1. desember sl. var jólaskreytingadagur en þá skreyttu nemendur kennslustofur hátt og lágt svo það er orðið ansi jólalegt um að litast.
13. desember voru nemendur í 1.-6. bekk með jólaskemmtun þar sem m.a var sýndur helgileikur, fluttar vísur um grýlu og jólasveinana ásamt jólasveinaleikriti.
Dagana fram að jólum eru jólahringekjur þar sem nemendum er skipt upp í hópa og fer hver á nokkrar mismunandi stöðvar. Á stöðvunum verður m.a. föndrað, spilað, bakað, smíðað, farið í íþróttir og leiki svo fátt eitt sé nefnt.