Nemendur
Skólastarfið á að snúast um að koma nemendum til aukins þroska í öruggu og hvetjandi umhverfi. Nemendur eiga að geta nýtt skólaumhverfið til að afla sér þekkingar og færni. Öllum nemendum á að líða vel í skólanum og þeir eiga að hafa tækifæri til að auka samstarfshæfni sína og víðsýni. Þannig geta þeir á farsælan hátt tekist á við lífið í síbreytilegu samfélagi nútímans og lagt sitt af mörkum til að bæta það.
Félagsmiðstöðin ZONE
Félagsmiðstöðin Zone er staðsett í félagsheimilinu Þjórsárveri en hún er í boði fyrir nemendur 7. - 10. bekkjar. Félagsmiðstöð er opin tvö kvöld í mánuði, auk þess sækja nemendur aðra viðburði sem skipulagðir eru í samstarfi félagsmiðstöðva á Suðurlandi eða á landsvísu, þeir viðburðir eru auglýstir innan skólans og með tölvupósti til foreldra. Þetta á einnig við um aðra viðburði á vegum félagsmiðstöðvarinnar.
Umsjónarmaður félagsmiðstöðvar er
Örvar Rafn Hlíðdal (orvar@floaskoli.is)
Óskilamunir
Óskilamunir eru geymdir í anddyri skólans.
Þá daga sem foreldraviðtöl eru í skólanum er óskilamunum raðað á áberandi stað þar sem hægt er að nálgast þá.
Í lok hvers skólaárs er óskilamunum komið til hjálparstofnana