Skólanámskrá
Sérhver skóli semur skólanámskrá. Í skólanámskrá gerir skóli grein fyrir því hvernig hann nýtir það svigrúm til ákvarðanna og athafna sem lög, reglugerðir, aðalnámskrá og skólastefna viðkomandi sveitafélags veita.
Skólanámskrá er nánari útfærsla á ákvæðum aðalnámskrár og í henni gefst kostur á að aðlaga opinber fyrirmæli að sérstöðu hvers skóla og staðbundnum aðstæðum og gera grein fyrir hvernig þær aðstæður eru nýttar til að efla nám og kennslu.
Í skólanámskrá er gerð grein fyrir þeim gildum sem starf skólans byggist á. Þar eru útfærð þau almennu viðmið sem sett eru í aðalnámskrá.
Læsisstefna
List og verkgreinar/ VAL
Kennslustundir í list og verkgreinum hjá 1. – 6. bekk eru 6 kennslustundir á viku en auk þess fá nemendur kennslu í dansi og taka þátt í sýningum s.s. árshátíð og jólahelgileik.
Nemendur í 7. – 10. bekk eru tvær kennslustundir á viku í bundnu vali í list og verkgreinum (myndmennt, textíl, heimilisfræði, hönnun og smíði) og er þeim raðað í námshópa þvert á árganga. Skólaárinu er skipt upp í 4 jafnar lotur, og taka nemendur eina lotu í hverri grein. Auk þess eru fimm kennslustundir í frjálsu vali á viku þar sem þeim gefst kostur á að velja viðfangsefni eftir áhugasviði. Skólaárinu er þá skipt upp í 3 lotur, hver lota er um 12 vikur. Framboð á vali tekur mið af áhuga nemenda og kunnáttu og hæfni starfsmanna Flóaskóla hverju sinni. Einnig getur verið
um það að ræða að utanaðkomandi aðili komi tímabundið að kennslu í vali.
Samkvæmt ákvæðum aðalnámskrár hafa nemendur möguleika á að taka starfskynningu eða fá metnar íþróttaæfingar, tónlistarnám eða aðrar reglubundnar tómstundir sem þeir sinna utan skóla. Foreldrar þurfa að óska sérstaklega eftir því.
