Grænfáni

Flóaskóli er þátttakandi í verkefni Landverndar, Skólar á grænni grein. Frá því haustið 2018 hefur verið unnið markvisst að því að innleiða Grænfána, alþjóðlega umhverfisvottun fyrir menntastofnanir. Gerð var úttekt á grænfánastarfinu í júní 2021 og fékk Flóaskóli formlega afhentan Grænfána á Degi íslenskrar náttúru, 16. september. Áfram verður unnið að umhverfismálum samkvæmt viðmiðum Grænfána með verkefnastjórn og virku starfi umhverfisnefndar sem skipuð er fulltrúum starfsmanna og nemenda úr öllum árgöngum.